Poytaxt hokimligiga 584 mlrdlik foizsiz kredit ajratiladi
Bu bo‘yicha Prezident qarori imzolandi.
Bugun, 9 fevral kuni Prezident “Toshkent shahrining ijtimoiy-iqtisodiy vazifalarini jadal surʼatlarda hal etish hamda aholi farovonligini yaxshilashga doir qo‘shimcha chora-tadbirlar to‘g‘risida”gi qarorni imzoladi.
Qarorga muvofiq, Toshkent shahri mahallalarining infratuzilmasini rivojlantirish, havo harorati keskin sovib ketishi davrida talafot ko‘rgan mahallalardagi ichki yo‘llar, piyodalar yo‘laklari, muhandislik-kommunikatsiya obyektlarini taʼmirlash va obodonlashtirish uchun Toshkent shahar hokimligiga 584 mlrd so‘m miqdorida foizsiz kredit ajratiladi.
Shahar hokimligi ushbu kredit mablag‘lari hisobidan Toshkent shahrining har bir mahallasiga qo‘shimcha 1 mlrd so‘mdan mablag‘ ajratadi.
