Shveysariya NATO bilan harbiy mashg'ulotlar o'tkazadi
Mamlakat 1996-yildan buyon alyansning "Tinchlik yo'lidagi hamkorlik" dasturida ishtirok etib keladi.
Shveysariya NATO bilan qo‘shma mashg‘ulotlar o‘tkazish bo‘yicha muzokaralarni boshladi va o‘z zobitlarini alyans qo‘mondonlik tuzilmasiga yuborish niyati borligini ma’lum qildi, deyiladi mamlakat Federal kengashi saytida e’lon qilingan hujjatda.
“Hozirda variantlar muhokama qilinmoqda, masalan, Shveysariya shtabi va aloqa xodimlarini NATO qo‘mondonlik tuzilmasida joylashtirish yoki alyansning ilg'or tajriba markazlarida ishtirok etish”, — deyilgan.
Taʼkidlanishicha, mamlakat 1996-yildan beri NATO bilan “Tinchlik yoʻlida hamkorlik” dasturida ishtirok etib keladi. Shu munosabat bilan uning armiyasi alyans bilan oʻzaro hamkorlikni yoʻlga qoʻymoqda.
8-fevral kuni Shveysariyaning BMTdagi doimiy vakili Paskal Kristin Berisvil tashkilot Xavfsizlik kengashi yig‘ilishida Ukrainadagi mojaroni hal qilish uchun vositachilik xizmatlarini taklif qilishga tayyorligini ma’lum qildi.
