Ukrainani AQSH boshqaryaptimi?
OAVning Ukraina va AQSHdagi rasmiy manbalarga tayanib yozishicha, HIMARS raketalari Yevropadagi Amerika bazalari tomonidan taqdim etiladigan aniq koordinatlarsiz qo‘llanilmaydi.
Washington Post nashriga ko‘ra, Ukraina AQSH taqdim etayotgan aniq koordinatlarsiz raketa zarbalari bermayapti.
OAVning Ukraina va AQSHdagi rasmiy manbalarga tayanib yozishicha, HIMARS raketalari Yevropadagi Amerika bazalari tomonidan taqdim etiladigan aniq koordinatlarsiz qo‘llanilmaydi.
Nashrning taʼkidlashicha, bu maʼlumot uchta yuqori martabali ukrainalik va bir amerikalik manba tomonidan tasdiqlangan. Bu AQSHning urushdagi roli jiddiyroq ekanidan dalolat beradi, deb yozadi Washington Post.
Qayd etilgan ukrainalik manbalardan biri jurnalistlarga Ukraina Qurolli Kuchlari raketa tizimlaridan amerikaliklardan olinadigan koordinatlarsiz deyarli foydalanilmasligini maʼlum qilgan. Va agar koordinatlar bo‘lmasa, nishonlarga zarbalar berilmaydi. O‘sha rasmiyning tushuntirishicha, bunday strategiya Qo‘shma Shtatlarni Ukrainaga uzoq masofali qurollarni ishonib topshirish mumkinligini tasdiqlash uchun ishlab chiqilgan.
Pentagon esa Ukraina Qurolli kuchlariga razvedka maʼlumotlarini berishini, ammo nishonlarni aniqlash, ularga ustuvorlik berish va zarba berish uchun Ukraina javobgar ekanini taʼkidlamoqda.
Hozirda Ukraina Qurolli Kuchlari ixtiyorida HIMARS tizimi va M270 ko‘p raketa uchirgichlari mavjud — ularning radiusi 75 km dan oshmaydi. Ukraina AQSHdan ATACMS tizimlarini yuborishni so‘ragan (ularning diapazoni 4 baravar yuqori), ammo AQSH hozirgacha ularni taqdim etishdan bosh tortmoqda.
