Turkiyada vafot etgani aytilgan o‘zbekistonlik ayol topildi
Istanbuldagi Bosh konsulxona uning sog‘ligi haqida maʼlumot berdi.
Ijtimoiy tarmoqlarda namanganlik fuqaro Shohista Niyozova Turkiyadagi zilzila oqibatida qulagan bino ichida qolib vafot etgani haqida xabar tarqaldi. Holat yuzasidan O‘zbekiston Respublikasining Istanbuldagi Bosh konsulxonasi maʼlumot berdi.
“Mazkur xabar asosida Bosh konsulxonamiz ushbu vatandoshimizni qidirib topishga muvaffaq bo‘ldi. Vatandoshimiz tirik”, — deyiladi xabarda.
Sh.Niyozova shifoxonaga olib borilib, ko‘rikdan o‘tkazilgan. Unga zaruriy tibbiy muolaja ko‘rsatilgan, hozirda uning sog‘lig‘i qoniqarli ahvolda.
Taʼkidanishicha, Sh.Niyozova qisqa muddatlarda O‘zbekistonga yuboriladi.
