Turkiyaliklarga yordam yig‘ish punktida Call-markazi tashkil etildi
Call-markazi mutaxassislari yig‘ilayotgan gumanitar yordam haqida aholi va tadbirkorlarning savollariga javob beradi.
Toshkentda Turkiyadagi zilziladan jabrlanganlar uchun insonparvarlik yordamini qabul qilish punktida Call-markazi tashkil etildi. Bu haqda Sputnik O‘zbekiston xabar berdi.
Call-markazi mutaxassislari (71) 205-20-02 raqami orqali 24 soat davomida yig‘ilayotgan gumanitar yordam haqida aholi va tadbirkorlarning savollariga javob beradi.
Shuningdek, @turkiyagayordambot ham ishga tushirilgan. U orqali ham maʼlumot olish va savollarni botda qoldirish mumkin.
Toshkent shahridagi insonparvarlik yordamini qabul qilish punkti manzili: Yangihayot tumani, Sofdil ko‘chasi, 44-uy, “Tashkent Index”.
