Rossiya Shimoliy floti 30 yilda ilk bor yadro quroli bilan dengizga chiqdi
Norvegiya razvedkasi Ukraina mojarosi ortidan Kreml uchun yadro qurollarining ahamiyati ortganini qayd etgan.
Rossiya Shimoliy floti kemalari 30 yilda ilk bor dengizga yadro quroli bilan chiqdi. Bu haqda Norvegiya razvedka xizmati maʼlum qildi.
Razvedkaning yillik hisobotida qayd etilishicha, Sobiq Ittifoq davrida harbiy kemalar dengizga doim taktik yadro qurollari bilan chiqdi. Ammo Sovuq urush yakunlangach, bu anʼanaga barham berilgandi.
“Ukraina mojarosi boshlangach, Rossiya uchun yadro qurolining ahamiyati yana-da ortdi”, – deyiladi hujjatda.
Maʼlumotlarga ko‘ra, yadro salohiyatining markazi Shimoliy dengiz suvosti va suvusti kemalariga joylashtirilgan.
