Bo‘stonliqda ayol 4 kishi tomonidan jinsiy tajovuzga uchradi
Erkaklar ayolning mahalladoshlari ekani aytilmoqda.
Ijtimoiy tarmoqlarda Toshkent viloyatida ayol 4 nafar erkak tomonidan farzandlari oldida zo‘rlangani haqida xabarlar tarqaldi. Holat yuzasidan viloyat IIB axborot xizmati rahbari maʼlumot berdi.
Qayd etilishicha, voqea 2022 yilning 28 dekabr kuni Bo‘stonliq tumani “Chimboyli” qishlog‘i hududida sodir bo‘lgan. Shundan so‘ng 25-27 yoshli 4 nafar gumonlanuvchi (tezkor) protsessual tartibda ushlangan.
Holat yuzasidan jinoyat ishi qo‘zg‘atilib, gumonlanuvchilar ehtiyot chorasi sifatida “qamoqqa” olingan.
Hozirda tergov harakatlari davom etmoqda. Shuningdek, holat yuzasidan 10 ga yaqin sud tibbiy va boshqa turdagi ekspertizalar tayinlangan.
