Erdog‘an saylovlarni kechiktirishni istamayapti
Umumiy saylovlarni 18 iyunga ko‘chirish taklif qilingan.
Partiya aʼzolari Turkiya Prezidenti Rajab Toyib Erdog‘anga umumiy saylovni 14 maydan 18 iyunga ko‘chirishni taklif qilmoqda. Ammo davlat rahbari buni rad etgan.
Turkiyada saylovlar 14-mayga belgilangan. Ammo avvalroq umumiy saylovlar olti oydan bir yilgacha muddatga qoldirilishi mumkinligi maʼlum qilindi.
Oliy saylov komissiyasi tegishli tashabbusni o‘z qo‘liga oladi.
Partiya bosh qarorgohi saylovni 18-iyunda o‘tkazishni taklif qilmoqda. Olingan maʼlumotlarga ko‘ra, agar saylov 14-may kuni o‘tkazilsa, saylovchilar ro‘yxatini tayyorlash bilan bog‘liq muammolar bo‘lishi mumkinligi ham muhokama qilindi.
Zilzila sodir bo‘lgan hududlarda vayronalarni tozalash ishlari davom etayotgani va jarayon uzoq davom etishi mumkinligi qayd etilgan.
Maʼlum qilinishicha, 18-iyun musulmonlar Haj ziyoratiga to‘g‘ri kelgani bois 100 mingga yaqin kishi ovoz bera olmaydi, agar ikkinchi tur o‘tkazish imkoniyati mavjud bo‘lsa, u Qurbon hayitiga to‘g‘ri kelishi mumkin.
Erdog‘an Respublika Ittifoqidan nomzod bo‘ladi. Oltita muxolifat partiyasi koalitsiyasi hali nomzodini eʼlon qilgani yo‘q.
