Baydenning Yevropaga tashrifi arafasida Rossiyaning rejasi bor
Bu haqda Ukraina Mudofaa vazirligi xabar qildi.
AQSH prezidenti Jo Baydenning Yevropaga tashrifini buzish uchun Rossiya yadroviy shantajni kuchaytirishi mumkin. Bu haqda Ukraina Mudofaa vazirligining Razvedka bosh boshqarmasi maʼlum qildi.
Razvedka Rossiya strategik yadroviy kuchlarning tarkibiy qismlarini dengiz va quruqlikdagi ballistik raketalarni, shuningdek, havodan uchiriladigan qanotli raketalarni uchirish uchun tayyorlayotganini tasdiqladi.
“Bundan tashqari, ruslar Tambov aviabazasida uzoq masofali aviatsiya qo‘mondonligining yordamchi qo‘mondonlik punktini joylashtirdi. Rossiyaning bu harakatlari Jo Baydenning 20–22 fevral kunlari bo‘lib o‘tishi rejalashtirilgan Yevropaga tashrifini to‘g‘ridan-to‘g‘ri yadroviy shantaj orqali oldini olishga va Ukrainaga xalqaro qo‘llab-quvvatlashni zaiflashtirishga urinishdir”, — deyiladi vazirlik xabarida.
