Xotirasini yo’qotgan erkak 2 yil avval vafot etgan rafiqasini qidirishga tushdi
Bu ijtimoiy tarmoqlarda faol muhokamalarga sabab bo’ldi.
Xitoyning Shanxay shahrida yashovchi erkak insult tufayli xotirasini yo‘qotib, ikki yil avval vafot etgan xotinini qidirib ketdi.
Chjan ismli erkak insultni boshdan kechirdi, bu uning xotirasini yo'qotishi va sarosimaga tushishiga olib keldi. Natijada u ikki yil avval xotini vafot etganini unutgan. U rafiqasini tirik deb o‘ylagan, uning fikricha ayoli uyiga ketayotganda adashib qolgan. Shu xayolda Chjan uni qidirib, velosipedda yo'lga chiqdi.
Politsiya xodimlari uni ko'chadan topib, nima qilayotganini tushuna olmadilar. Oxir-oqibat uni bo'linmaga olib borishdi va so'roq qilishdi. Ma’lum bo‘lishicha, erkak politsiyachilarning qo'liga tushguniga qadar 20 kilometr yo‘l bosib o‘tgan.
Politsiya xodimi erkakni uyiga kuzatib qo‘ydi.
Bu odamning hikoyasi millionlab xitoylik ijtimoiy tarmoq foydalanuvchilarini hayratda qoldirdi.
"U juda xafa bo'lsa kerak, shuning uchun u xotinining o'limi haqidagi haqiqatni tan olishni istamaydi", — dedi foydalanuvchilardan biri.
“Bu yurakni ezuvchi hikoya. U meni abadiy sevgiga ishontiradi ”, — dedi boshqa sharh muallifi.
“Men hamma narsani unutdim, lekin sevgim haqida emas. Bu ertakdagi voqeaga o‘xshaydi”, — deb yozadi boshqa foydalanuvchi.
