Bosh prokurorga yangi o‘rinbosar tayinlandi
U tayinlovga qadar Qashqadaryo viloyati prokurori lavozimida ishlagan.
O‘zbekiston Respublikasi Prezidentining tegishli Farmoniga asosan 3-darajali Davlat adliya maslahatchisi Salom Ismatovich Samadov Bosh prokurorning o‘rinbosari lavozimiga tayinlandi.
S.Samadov tayinlovga qadar Qashqadaryo viloyati prokurori lavozimida ishlagan.
Salom Samadov 1963-yilda tug‘ilgan, maʼlumoti oliy, huquqshunos. 1990 yilda Xarkov yuridik institutini tamomlagan.
Maʼlumot o‘rnida, Salom Samadov prokuratura organlaridagi ish faoliyatini 1990 yilda Buxoro viloyati Fayzulla Xo‘jayev tumani prokuraturasida boshlagan, Navoiy viloyatining Xatirchi va Karmana tumanlari prokurori, Buxoro viloyati va Qoraqalpog‘iston Respublikasi prokurori o‘rinbosari, Qoraqalpog‘iston Respublikasi va Qashqadaryo viloyati prokurori, O‘zbekiston Respublikasi Prezidenti Davlat maslahatchisining o‘rinbosari, birinchi o‘rinbosari lavozimlarida faoliyat yuritgan.
