Oq uy Ukrainani Amerika resurslari cheksiz emasligidan ogohlantirdi
Avvalroq OAVda Oq uy Ukrainaga yangi harbiy yordam paketlarini Kongressdan qiyinchilik bilan o‘tkazayotgani to‘g‘risida xabar qilingandi.
Kiyev Amerika resurslari cheksiz emasligi haqida Vashingtondan ogohlantirish oldi. Avvalroq qator OAV Oq uy Ukrainaga yangi harbiy yordam paketlarini Kongressdan qiyinchilik bilan o‘tkazayotgani to‘g‘risida xabar qilgandi.
“Hamma buni (Ukrainadagi nizo) qachondir tugashi kerakligini yaxshi biladi. Barchamiz buni tezroq yakunlanishini istaymiz”, – degan amerikalik amaldorlardan biri.
Bundan oldin Politico va Washington Post nashrlari ham Kiyevga harbiy yordam bo‘yicha ehtimoliy muammolar haqida yozgandi. Xususan, Politico maʼlumotlariga ko‘ra, Vashington ukrainaliklarni tezroq hujumga o‘tishga chaqirayotganini maʼlum qilgandi.
