Toshkentda 50 kishining Umra safari bileti uchun berilgan pul “uxlatildi”
Hozirda holat yuzasidan jinoyat ishi ochilgan.
Toshkent shahrida tadbirkorlarga aviachipta band qilishda yordam berishni vaʼda qilgan firibgarlar aniqlandi. Bu haqda Bosh prokuratura huzuridagi Iqtisodiy jinoyatlarga qarshi kurashish departamenti xabar bermoqda.
Qayd etilishicha, departamentning Yakkasaroy tuman bo‘limi tomonidan tadbirkorlik subyektlarining huquqlarini himoya qilish yuzasidan tergovga qadar tekshiruv o‘tkazilgan. Unda fuqaro J.R. va boshqalar I.T. va T.A. MCHJ rahbarlarining ishonchiga kirib, ushbu MCHJlar tomonidan 50 nafar fuqaroni Umra safariga yuborish uchun Toshkent-Quvayt-Madina yo‘nalishi bo‘yicha aviachiptalarni band qilishga yordam berish evaziga oldindan to‘lov sifatida jami 10 000 AQSH dollarini firibgarlik yo‘li bilan qo‘lga kiritgani aniqlangan.
Hozirda mazkur holat yuzasidan Jinoyat kodeksining 168-moddasi (firibgarlik) bilan jinoyat ishi qo‘zg‘atilib, tergov harakatlari o‘tkazilmoqda.
