ISW: Putin Mudofaa vazirligiga Ukrainadagi barcha harbiy qismlarni nazoratga olishga buyruq berdi
Ekspertlar RF prezidentining bu qaroriga sabab bo‘lgan omillarni ochiqladi.
Rossiyada safarbarlik tadbirlari yakunlangandan keyin Vladimir Putin Mudofaa vazirligiga Ukrainadagi barcha kuchlar ustidan nazoratni tiklashni buyurdi. Bu haqda Amerikaning urushni o‘rganish instituti (ISW)hisobotida so‘z boradi.
“300 ming safarbar qilinganlarning asosiy qismi Ukrainaga yetib kelgach, Putin Rossiya mudofaa vazirligiga o‘z hukmron mavqeini ko‘rsatishga ruxsat berdi”, – deyiladi ekspertlar xulosasida.
ISW yil boshidan buyon yuz bergan voqealarga eʼtibor qaratgan: 11 yanvar kuni RF prezidenti bosh shtab boshlig‘i Valeriy Gerasimovni harbiy harakatlar teatriga qo‘mondon etib tayinladi; Mudofaa vazirligi “DXR” va “LXR”dagi armiya korpuslarini Rossiya qurolli kuchlari tarkibiga faol integratsiya qilmoqda; harbiy idora, shuningdek, “Vagner” xususiy harbiy kompaniyasining faoliyatini cheklashga harakat qilmoqda — ularga snaryadlar yetkazib berish sekinlashgan va mahbuslarni yollash taqiqlangan.
Bundan tashqari, mudofaa vazirligi harbiy muxbirlar faoliyatini ham cheklash niyatida va yangi intizom qoidalarini joriy etmoqda. Ekspertlarning fikricha, Putin faqatgina bosh harbiy idora yirik mexanizatsiya bo‘linmalarini boshqara olishini anglab yetgan.
