Rossiyaning sanksiyadan zarar ko‘rgan hamkorlariga kompensatsiya beriladi
“Markaziy Osiyoda yashovchi xalqlar hayotini yaxshilash uchun qo‘limizdan kelgan barcha ishni qilamiz”, — dedi AQSH davlat kotibi.
Rossiyaning hamkor davlatlari Rossiyaga qarshi sanksiyalardan ko‘rgan yo‘qotishlar uchun kompensatsiya oladi. Bu haqda AQSH davlat kotibi Entoni Blinken Ostonada bo‘lib o‘tgan S5+1 formatidagi vazirlar uchrashuvida aytib o‘tdi.
Qo‘shma Shtatlar Rossiyaning hamkor mamlakatlariga sanksiyalar tufayli ko‘rgan yo‘qotishlarni qoplaydi. Mintaqadagi barcha davlatlar u yoki bu tarzda Rossiya bilan savdo aloqalariga bog‘liq bo‘lganligi sababli Rossiya Federatsiyasiga kiritilgan sanksiyalar ularning iqtisodiyotiga ham zarba bergan.
“Biz sanksiyalarga rioya etilishini diqqat bilan kuzatib boramiz va bir qator davlatlar, jumladan, C5 bo‘yicha hamkorlarimizga nisbatan bo‘layotgan iqtisodiy salbiy taʼsirlarini muhokama qilamiz”, — dedi u.
Vashington kompaniyalarga sanksiyaga uchragan Rossiya firmalari bilan munosabatlarni to‘xtatish uchun vaqt berish uchun litsenziyalar beryapti.
“Biz tushunamizki, bu ko‘p vaqt talab qiladigan jarayon, uni darhol amalga oshirib bo‘lmaydi. Biz mintaqani mustahkamlash va Markaziy Osiyoda yashovchi xalqlar hayotini yaxshilash uchun qo‘limizdan kelgan barcha ishni qilamiz. Jumladan, yangi savdo yo‘llari yordamida va korxonalarga yangi eksport bozorlarini topishda yordam berish orqali”, — dedi Blinken matbuot anjumanida.
