Rishi Sunak Jonsonning xatolarini to‘g‘rilayapti(mi)?
U Britaniya bilan YEI o‘rtasidagi vaziyatni yumshatdi.
Rishi Sunak Britaniya va YEI o‘rtasida iqtisodiy yaqinlashuv jarayonini o‘rnatishga muvaffaq bo‘ldi.
Tahlilchilarga ko‘ra, sobiq Bosh vazir Boris Jonsonga Bryusselda ishonch yo‘q edi, ammo Sunak vaziyatni o‘zgartirishga erishgan. Asosiy voqea uning o‘tgan yili noyabr oyida Yevropa Ittifoqi prezidenti Ursula fon der Lyayen bilan uchrashuvi bo‘ldi.
Vaziyatni yumshatish uchun Sunak Jonson tomonidan Yevropa Ittifoqi bilan shartnomani bir tomonlama qayta ko‘rib chiqish uchun kiritilgan Shimoliy Irlandiya bo‘yicha protokol to‘g‘risidagi qonun loyihasini Lordlar Palatasida ko‘rib chiqishni to‘xtatdi. Ushbu hujjat Bryusselda “stol ustida yotgan o‘qlangan qurol” sifatida qabul qilingan va bunday sharoitda muloqot qilishdan bosh tortilgan.
