G‘arb BAAga Rossiya bilan savdo tufayli bosim o‘tkazmoqda
O‘tgan haftada AQSH, YеI va Buyuk Britaniya vakillari arab davlatiga kelgan va RFga reeksport masalasini muhokama qilgan.
G‘arb davlatlari BAAga ayrim mahsulotlarni Rossiyaga eksport qilmasligi uchun bosim o‘tkazmoqda. Bu haqda Financial Times xabar berdi.
Gazeta manbalariga ko‘ra, o‘tgan haftada AQSH, Buyuk Britaniya va YеI vakillari Amirliklarga tashrif buyurgan. Ular arab davlatining baʼzi tovarlarni Rossiyaga reeksport qilayotganidan xavotir bildirgan. Tahlilchilarning fikricha, bu mahsulotlar RF tomonidan harbiy maqsadlarda ishlatilishi mumkin.
O‘tgan haftada Bloomberg o‘z manbalariga tayanib, AQSH administratsiyasi Rossiya va YEI bilan teng munosabatlarga ega davlatlarga bosi o‘tkazishni boshlashini xabar bergandi. Oxirgi vaqtlarda Moskva Kavkaz va Markaziy Osiyo davlatlari, Turkiya, Arab davlatlari, shuningdek, Xitoy orqali texnologiyalarning parallel importini amalga oshirayotgani to‘g‘risida maʼlumotlar tarqalmoqda.
