Navro‘z bayrami munosabati bilan 5 kun dam beriladi
Bayramni o‘tkazish bo‘yicha Prezident qarori eʼlon qilindi.
«2023 yilgi Navro‘z umumxalq bayramiga tayyorgarlik ko‘rish va uni o‘tkazish to‘g‘risida» O‘zbekiston Respublikasi Prezidentining qarori eʼlon qilindi.
Unga ko‘ra, 2023 yilgi Navro‘z umumxalq bayrami mamlakatimizda «Har kuning Navro‘z bo‘lsin, jonajon O‘zbekistonim!» degan bosh g‘oya asosida umumxalq sayillari shaklida nishonlanadi.
Bir hafta muddatda Toshkent shahrida Navro‘z bayramiga bag‘ishlab o‘tkaziladigan teatrlashtirilgan konsert tomoshasining dasturi va ssenariysini ishlab chiqiladi.
O‘tkaziladigan bayram tadbirlari bilan bog‘liq xarajatlar Toshkent shahrida – respublika byudjeti va Toshkent shahar mahalliy byudjeti mablag‘lari hisobidan teng ulushlarda; Qoraqalpog‘iston Respublikasi va viloyatlarda – tegishli mahalliy byudjetlar hamda joylardagi homiylik xayriyalari hisobidan qoplanadi.
