Senat o‘tgan yili qanday ishladi?
2022-yil Senatning 14 ta yalpi majlisida davlat va jamiyat hayotining turli sohalariga doir 79 ta qonun ko‘rib chiqildi.
2022-yil Senatning 14 ta yalpi majlisida davlat va jamiyat hayotining turli sohalariga doir 79 ta qonun ko‘rib chiqildi.
8 ta qonun rad etildi. Aytish lozimki, bu raqam ortida shunchaki qaytarilgan qonunlar soni emas, balki qonunlarning avvalo aholi va hududlar manfaatlariga qay darajada mosligi nuqtai nazaridan o‘tkazilgan chuqur tahlillar yotibdi.
Bu jarayonda mahalliy Kengashlar, qo‘mitalar huzuridagi salohiyatli ekspert guruhlari ham faol ishtirok etayotgani, qolaversa keng jamoatchilik fikri inobatga olinayotganini alohida taʼkidlash lozim.
Qonunchilik yo‘nalishiga oid faoliyatimizdagi yana bir yaxshi amaliyot, yaʼni amalda bo‘lib turgan qonunlardagi bo‘shliqlar, ziddiyatlar va ahamiyatini yo‘qotgan normalar bo‘yicha monitoring ishlari izchil olib borildi.
Xususan, 20 dan ortiq qonunni qayta ko‘rib chiqish hamda takomillashtirish yuzasidan takliflar Hukumatga kiritildi. Ushbu amaliyot bundan buyon ham davom ettiriladi.
