Andijonda 5-sinf o‘quvchisi o‘zini osib qo‘ydi
11 yoshli bola press ipga o‘zini o‘zi osayotgan vaqtda onasi buni ko‘rib qolgan.
Andijon viloyatida o‘z joniga qasd qilgan bolaning hayoti saqlab qolindi.
Maʼlum qilinishicha, joriy yilning 27 fevral kuni soat 08:40 larda Shahrixon tumani “Bobochek” MFY “Qizil arab” ko‘chasida yashovchi 11 yoshli G‘.M. yashash xonadonidagi omborxona to‘siniga somon press ipiga o‘zini o‘zi osib, o‘z joniga suiqasd qilgan. Shu vaqtda uning onasi M.E. bu holatni ko‘rib qolib, o‘g‘lini qutqarib qolgan. Shundan so‘ng, bola tuman shifoxonasiga yotqizilib, uning hayoti saqlanib qolingan.
Aniqlanishicha, M.E. tumandagi 30-maktabning 5-sinfida tahsil olgan.
Voyaga yetmagan M.G‘.ga yetkazilgan tan jarohatlarning og‘irlik darajasini aniqlash maqsadida sud-tibbiy ekspertizasi tayinlangan.
Hodisa joyi ko‘zdan kechirilib, somon press ipi tekshirish uchun daliliy ashyo sifatida olingan.
Hozirda Shahrixon tuman prokuraturasi tomonidan bolaning joniga qasd qilganlik sabablarini aniqlashga qaratilgan tergovga qadar tekshiruv harakatlari o‘tkazilmoqda.
