Endi bekatda sarson qolib ketmaysiz: Xitoydan 800 ta yo‘lovchi avtobusi olib kelindi
Xitoy kompaniyasi Toshkent shahri jamoat transporti uchun elektrobus va tabiiy gazda ishlaydigan avtobuslar yetkazib berdi.
Avvalroq, Toshkent shahri jamoat transporti uchun 300 ta elektrobuslar va 500 ta tabiiy gazda ishlaydigan avtobuslarni xarid qilish bo‘yicha Xitoyning Yutong Bus & Coach kompaniyasi bilan kelishuvlarga erishilgandi.
«Toshkent shahri uchun qo‘shimcha mingta zamonaviy avtobus sotib olinadi, 7 ta yer usti metro bekati ishga tushiriladi. Bu orqali har kuni 500 mingdan ziyod poytaxt aholisi va mehmonlariga qo‘shimcha qulayliklar yaratiladi», — degan edi davlat rahbari.
Kompaniyaning maʼlum qilishicha, O‘zbekistonga jami 800 ta avtobus — 300 ta elektrobuslar va 500 ta tabiiy gazda ishlaydigan avtobuslar yetkazib berdi.
Qayd etilishicha, bu Xitoy kompaniyasining joriy yilda olgan eng yirik avtobus buyurtmasi bo‘lgan.
