Ertaga Toshkentning ayrim ko‘chalari yopiladi

 

Ertaga, 5 mart kuni Toshkent shahrida ayrim ko‘chalar 5 soatga yopiladi. Bu haqda IIV YHXX xabar bermoqda.

 

Qayd etilishicha, 5 mart kuni “Xavfsiz hayot uchun” aksiya doirasida velosipedchi va piyodalar yurish marafonlari o‘tkaziladi.  Shu munosabat bilan soat 06:00 dan 11:00 gacha ayrim ko‘chalar avtotransportlar harakati uchun yopiladi.

 

Ular quyidagilar:

 

— Islom Karimov va Furqat ko‘chalari chorrahasidan Sharof Rashidov ko‘chasigacha;

— Islom Karimov chorrahasidan Sharof Rashidov ko‘chasi bo‘ylab Sharof Rashidov va Afrosiyob ko‘chalari chorrahasigacha;

— Sharof Rashidov va Afrosiyob ko‘chalari chorrahasidan Afrosiyob ko‘chasi bo‘ylab Afrosiyob va Beshyog‘och ko‘chalari chorrahasigacha;

— Afrosiyob va Beshyog‘och ko‘chalari chorrahasidan Furqat va Beshyog‘och ko‘chalari chorrahasigacha;

— Beshyog‘och va Furqat ko‘chalari kesishgan chorrahasidan Furqat ko‘chasi bo‘ylab, Islom Karimov va Furqat ko‘chalari kesishgan chorraxasigacha.

 

Shuningdek, bugun, 4 mart kuni soat 18:00 dan 05 mart kuni soat 13:00 gacha Afrosiyob ko‘chasi: Islom Karimov va Afrosiyob ko‘chalari chorrahasidan Beshyog‘och ko‘chasigacha harakat cheklanadi.