Chirchiqda hujjati yonida yo‘qlarni IIB xodimlari quldek ishlatgani aytildi
Holatga rasmiylar izoh berdi.
Ijtimoiy tarmoqda Toshkent viloyatining Chirchiq tumanida hujjati yonida yo‘qlar IIB xodimlari tomonidan quldek ishlatilayotgani haqida xabarlar tarqaldi. Holatga viloyat IIBB axborot xizmati rahbari Bobur To‘laganov rasmiy munosabat bildirdi.
Ma’lum qilinishicha, mazkur videomurojaat Shaxsiy xavfsizlik bosh boshqarmasi, Toshkent viloyati bo‘yicha boshqarmasi tomonidan nazoratga olingan, tafsilotlar o‘rganilmoqda.
“Holat yuzasidan xizmat tekshiruvi tayinlanib, to‘plangan hujjatlar qonuniy qaror qabul qilishlik uchun Prokuratura organlariga yuboriladi”, — deyiladi xabarda.
