Xitoy harbiy xarajatlarni oshirmoqda
Bu tashqi tahdidlarni bostirish bilan izohlandi.
Xitoy Bosh vaziri Li Ketsyan Butunxitoy xalq vakillari yig‘ilishi delegatlariga XXR byudjeti loyihasini taqdim etar ekan, mudofaa xarajatlari 7,2 foizga oshirilishini maʼlum qildi.
“Hozirda tashqaridan Xitoyni bostirish va ushlab turishga urinishlar kuchayib bormoqda”, — degan u bu qarorni izohlar ekan.
1,55 trillion yuan (taxminan 210 milliard yevro) barcha yo‘nalishlarda va barcha sohalarda harbiy harakatlarni kuchaytirishga yo‘naltirilishi rejalashtirilgan.
Maʼlumot uchun: Xitoy harbiy xarajatlar bo‘yicha dunyoda ikkinchi o‘rinda turadi, ammo mamlakat 751 milliard yevrolik harbiy byudjetni rejalashtirgan AQSHdan ancha orqada.
