Xitoy kranlar yordamida AQSH portlarini kuzatyaptimi?
WSJ bu haqda maxsus material eʼlon qildi.
AQSH portlariga o‘rnatilgan Xitoy kranlari yordamida Pekin Amerikaning harbiy amaliyotlariga aloqador tovarlarni kuzatishi mumkin. Bu haqda WSJ o‘z manbalariga tayanib xabar berdi.
Nashr suhbatdoshlari Xitoyga tegishli ZPMC kompaniyasi kranlarini "Troya oti"ga o‘xshatgan.
"Nisbatan yuqori sifat va arzon narxlarga qaramay, ular murakkab datchiklar bilan jihozlangan. Ular esa o‘z navbatida konteynerlarni ro‘yxatga olishi, real vaziyatni kuzatishi va konteynerlar yetib borish manzilini kuzatishi mumkin. Bu Xitoy tomoni AQSHning butun dunyodagi... amaliyotlarini kuzatishi mumkinligi borasida xavotirlarni uyg‘otmoqda", — deyiladi gazeta xabarida.
AQSH kontrrazvedkasining sobiq xodimi Bill Evaninning so‘zlariga ko‘ra, kranlar tovarlar oqimini uzib qo‘yish niyatida bo‘lganlarga bu ishni masofaviy amalga oshirish imkonini beradi.
"Bu qonuniy biznesning ajoyib birikmasi, u razvedka maʼlumotlarini to‘plashda niqob vazifasini o‘tashi mumkin”, – degan u.
Vashingtondagi Xitoy elchixonasi vakili bu maʼlumotlar ikki davlat o‘rtasidagi savdo-iqtisodiy aloqalarga to‘siq uchun o‘ylab topilganini aytgan.
