Reuters: Xitoy Rossiyaning Ukrainadagi xatolarini diqqat bilan o‘rganmoqda
Bu kabi tadqiqotlar Si Szinpin rahbarlik qiladigan harbiy kengash topshirig‘i bilan o‘tkazilgan.
Reuters агентлиги Хитойнинг 20 дан ортиқ мудофаа соҳасига ихтисослашган 20 дан ортиқ нашрларида Украина урушига бағишланган 100 дан ортиқ таҳлилий материалларни аниқлади.
Мақолаларда Россия ҳарбий ташкилотчилиги камчиликлари очиқ таҳлил қилинади ва ХХРга Ғарб билан эҳтимолий тўқнашувларда таклифлар берилади. Хусусан, хитойлик экспертлар Starlink тижорий сунъий йўлдошларидан жанг майдонида фойдаланишни муваффақиятли деб ҳисоблашган ва уларни йўқ қилиш учун қурилмаларни яратишни тавсия қилишган. Яна бир таклиф танкларни Javelin тизимларидан ҳимоя қилишга бағишланган.
Ушбу мақолалар устида юздан ортиқ мутахассислар ишлаган. Уларнинг барчаси Хитой армияси билан боғлиқ университетларда фаолият юритади.
Номи сир қолишини истаган 2 нафар хитойлик ҳарбий атташе ва яна бир дипломат бу каби тадқиқотлар Хитой коммунистик партияси марказий қўмитасининг ҳарбий кенгаши топшириғи билан ўтказилганини айтган. Бу кенгашга Си Цзиньпиннинг ўзи раҳбарлик қилади.
