Rossiyadan YеIdagi so‘nggi hamkori ham yuz o‘girmoqchi
Vengriya Moskva bilan munosabatlarini qayta ko‘rib chiqishini maʼlum qildi.
Vengriya bosh vaziri Viktor Orban Rossiya bilan munosabatlar qayta ko‘rib chiqilishini istisno etmadi. Bu haqda Bloomberg agentligi xabar berdi.
Siyosatchining so‘zlariga ko‘ra, “geosiyosiy o‘zgarishlar” fonida Moskva bilan tashqi siyosat va iqtisodiy aloqalar qaytadan ko‘rib chiqilishi mumkin. Shu bilan birga bosh vazir Ukraina nizosidan keyin Rossiya-Yevropa munosabatlarini qayta tiklash zarurligini aytgan, ammo bu “reallikdan uzoq”.
“Aynan shuning uchun Vengriya Rossiya bilan keyingi 10-15 yildagi tashqi siyosat va iqtisodiyot sohasida qanday aloqa qilishimizni yaxshilab o‘ylab ko‘rishi kerak”, – degan Janob Orban.
Vengriya hukumati rahbari Moskva bilan aloqalarni saqlab qolishdan manfaatdor ekanini qo‘shimcha qilgan.
Ukraina mojarosidan keyin Vengriya RF bilan nisbatan yaxshi aloqalarni saqlab qolayotgan Yevropaning yagona davlati bo‘lib turibdi. YеIning sanksiyalar paketi Budapesht tomonidan doimiy ravishda tanqid qilib kelinadi.
