Toshkentda maktab o‘quvchisi sinfdoshini pichoqlab qo‘ydi
Holat yuzasidan shahar IIBB maʼlumot berdi
Bugun, 11-mart kuni Toshkent shahrining Mirobod tumanida maktab o‘quvchisi sinfdoshini pichoqlab qo‘ydi. Bu haqda shahar IIBB axborot xizmati xabar bermoqda.
Qayd etilishicha, soat 14.00 larda Mirobod tumanidagi maktablardan birining 11-sinf o‘quvchilari — 2006 yilda tug‘ilgan T.A. ham 2005 yilda tug‘ilgan O.J. shu tumandagi sport maydonchalaridan birida basketbol o‘ynayotgan vaqtida o‘zaro og‘zaki gap talashib qolgan. Shundan so‘ng voyaga yetmagan T.A. o‘zi bilan olib kelgan pichoq bilan O.J.ning bel sohasiga bir marotaba urgan. Oqibatda O.J. tibbiy yordam ko‘rsatilishi uchun shifoxonaga olib borilgan.
Hozirda uning holati qoniqarli.Mazkur holat yuzasidan Jinoyat kodeksining 277-moddasi (“Bezorilik”) bilan jinoyat ishi qo‘zg‘atildi. Hozirda tergov olib borilmoqda.
