Bayden va Sunak Ukrainaga yordam masalasini muhokama qilishdi
AQSH va Britaniya yetakchilari, shuningdek, Osiyo-Tinch okeani mintaqasidagi vaziyatni ham ko‘rib chiqishgan.
AQSH prezidenti Jozef Bayden va Buyuk Britaniya bosh vaziri Rishi Sunak San-Diyegodagi ikki tomonlama uchrashuvda Ukrainani qo‘llab-quvvatlashni davom ettirish va boshqa masalalarni muhokama qilishdi. Bu haqda Oq uy matbuot xizmati xabar berdi.
"Davlat rahbarlari bir qator global muammolar, jumladan XXR tomonidan yuzaga kelayotgan muammolar, shuningdek, Hind-Tinch okeani mintaqasida tinchlik va barqarorlikni saqlash bo‘yicha umumiy majburiyatlar bo‘yicha fikr almashdilar. Shuningdek, ular Ukrainani sobitqadam qo‘llab-quvvatlashni taʼkidladilar", — deyiladi xabarda.
Bayden va Sunak Kiyevga harbiy, iqtisodiy va gumanitar yordam ko‘rsatishni davom ettirish muhimligini taʼkidlashdi. Siyosatchilar, shuningdek, Rossiyaning urush olib borish qobiliyatiga qarshi kurashish uchun yangi iqtisodiy choralarni birgalikda qabul qilishga kelishib oldilar.
