AQSHda o‘z chaqalog‘ini o‘ldirgan ota-ona qo‘lga tushdi
Jinoyat oradan 31 yil o‘tib fosh etilgan.
Amerika Qo‘shma Shtatlarida politsiya 31 yil oldin yangi tug‘ilgan qizini o‘ldirishda gumon qilingan er-xotinni hibsga oldi.
Qizning jasadi 1992 yil 17 aprelda Pikayune shahridagi axlatxonadan topilgan. Kriminalistlar bolaning o‘sha kuni tug‘ilganini va tug‘ilgandan bir necha daqiqa o‘tib bo‘g‘ib o‘ldirilganini aniqlashgandi. O‘sha vaqtda qotilni fosh qilishga imkon beradigan dalillarni topishning iloji bo‘lmagan. Shunga qaramay, tergov yana uch yil davom etgan.
Qotillik bo‘yicha qayta tergov 2021 yilda boshlangan. Missisipi tergov byurosi xodimi sud-genetik ekspertiza o‘tkazish uchun grant oldi va o‘zidan oldingilar tomonidan jinoyat joyida to‘plangan DNK namunalarini sinab ko‘rishga qaror qildi. Genetik genealogiyani o‘rganishning zamonaviy usullari jinoyatni marhumning ota-onasi bo‘lgan Inga Yoxansen Kerriyer va uning turmush o‘rtog‘i Endryu Kerer tomonidan sodir etilganligini aniqlashga imkon berdi. Har ikki gumonlanuvchi ham hozir 50 yoshda. Ular hozirda garov pulisiz qamoqxonada saqlanmoqda. Ular birinchi darajali qotillikda ayblangan. Missisipi qonuniga ko‘ra, ular o‘lim jazosiga hukm qilinishi mumkin.
