YEI Ukrainaning bo‘shayotgan zaxirasini to‘ldirmoqchi
Buning uchun 2 mlrd yevrolik shartnoma imzolanish arafasida.
Yevropa Ittifoqi davlatlari Ukrainada kamayib borayotgan o‘q-dorilarni birgalikda to‘ldirish bo‘yicha 2 milliard yevrolik kelishuvni yakunlash arafasida.
Reja ikkita asosiy elementni o‘z ichiga oladi. Birinchidan, YEI Kiyevni o‘z zaxiralari orqali o‘q-dorilar bilan zudlik bilan taʼminlay oladigan davlatlarni qisman qoplash uchun milliard yevro sarflaydi. Ikkinchidan, yangi o‘q-dorilar yana bir milliard yevroga sotib olinadi.
Gap qo‘shma xaridlar haqida ketmoqda, chunki bu yo‘l bilan Yevropa Ittifoqi davlatlari arzonroq narxda kattaroq shartnomalar tuzishlari mumkin bo‘ladi. Ushbu sxema Ukrainaning mamlakatni ko‘proq o‘q-dorilar, xususan, 155 millimetrli artilleriya snaryadlari bilan taʼminlash bo‘yicha so‘rovlariga javoban imzolanadi.
Ushbu bitimning tayyorlanishi birinchi marta mart oyining boshida maʼlum bo‘ldi.
