“Tashabbusli byudjet” korrupsiyani kamaytirdimi?
Mutaxassis javob berdi.
Bugun, 16 mart kuni AOKAda “Tashabbusli byudjet” loyihasining amalga oshirilishi, navbatdagi mavsum tahlili” mavzusida matbuot anjumani bo‘lib o‘tdi.
Unda Zamon.uz muxbiri “Tashabbusli budjet” boshlangandan beri sohada korrupsion holatlar qanchalik kamaygani bo‘yicha mutaxassislarga savol bilan murojaat qildi.
Iqtisodiyot va moliya vazirligi bo‘lim boshlig‘i Azimjon Hasanovning maʼlum qilishicha, mansabdor shaxslarga foydalanishi mumkin bo‘lgan avtomashina turlarini hamda ularni tartibga solish jarayoni amalga oshirilmoqda.
“Aytmoqchi bo‘lganim — sekin-sekinlik bilan tiyib turish prinsplari amalga oshirilmoqda va bu ishga tushmoqda. Hokimlar qandaydir avtomashina sotib oladigan bo‘lsa, o‘sha darrov ijtimoiy tarmoqlarda gap so‘z bo‘lib, muhokamalarni keltirib chiqardi. Siz yuqorida aytayotgan masalalar bo‘yicha ham xarajatlarni turli xil yo‘llar bilan kamaytirilishiga erishmoqdamiz. Ochiq portallarda ham shu haqida maʼlumotlar ochiqlanmoqda. Yaʼni davlat byudjeti xarajatlari va daromadlarini tartibga keltirish ishlarini endilikda onlayn vaqt ichida ko‘rish imkoniyati paydo bo‘ldi. Bundan tashqari, fuqarolar u bilan tanishib borish imkoniyatiga ega bo‘lmoqda”, — deydi u.
