Ukraina qancha askaridan ayrilgan?
Politico nashri bu to‘g‘risida maʼlumotlarni ochiqladi.
Ukraina 1 yilda 100 ming askaridan ayrildi. Bu haqda Politico xabar berdi.
AQSH Ukrainaga tezkorlik bilan harbiy texnika yetkazib bermoqda va ukrainalik harbiylarni tezroq janglarga tayyorlashda davom etmoqda. Bahor oxirida ularning Rossiyaga qarshi hujumga o‘tishi kutilmoqda.
Chorshanba kuni Ukraina bo‘yicha muloqot guruhi yig‘ilishidan keyin Pentagon rahbari Lloyd Ostin Kiyevda “yo‘qotish uchun vaqt qolmagan”ini maʼlum qildi.
“Vaʼda qilgan majburiyatlarimizni tez va to‘liq amalga oshirishimiz kerak. Bu o‘z ichiga jang maydoniga zirhli texnikani yetkazib berish va ukrainalik harbiylarni tayyorlash, ehtiyot qismlari va texnik qo‘llab-quvvatlashni oladi”, – degan AQSH mudofaa vaziri.
Bahor yaqinlashishi bilan Amerika rasmiylari Ukrainaga o‘q-dori, snaryad, havo hujumiga qarshi mudofaa tizimlari va boshqa texnikani yetkazib berishni ko‘paytirdi. Moskva va Kiyev esa Donbassda AQSH harbiylari strategik ahamiyati past ekanini aytgan Baxmut uchun qonli jangni davom ettirmoqda. Shu bilan birga Pentagon Ukrainaning har qanday vaziyatda xam urushni davom ettira olishi uchun qurol yetkazib beryapti.
Rossiya bir necha oydan beri mamlakatni raketalar ostida qoldirmoqda. Bu nafaqat Ukrainaga ko‘proq zarar yetkazish, balki uning havo mudofaasi tizimini ishdan chiqarish uchun amalga oshirilyapti. Ukrainalik harbiylar o‘ta muhim snaryadlarga taqchillik sezmoqda. Bir yildan ortiq urush davomida Kiyev eng tajribali askarlarini yo‘qotdi, qurbonlar soni 100 mingdan oshgan.
Qurbonlarning aksariyati Baxmutda berilgan. Bu yerda har ikki tomon ham ko‘plab harbiylaridan ayrilgan. Lloyd Ostin yaqinda o‘tgan matbuot anjumanida shahar ko‘proq ramziy ahamiyatga egaligini aytgandi.
AQSH hozirda asosiy eʼtiborni Ukrainani mayda boshlanishi kutilayotgan qarshi hujumga tayyorlamoqda.
