Putin qaysi davlatlarda qo‘lga olinishi mumkinligi ochiqlandi
Sud qaroriga qaramay, BMT Bosh kotibi Putin bilan muloqotni davom ettirishga tayyor.
BMT Bosh kotibi Antoniu Guterrish Xalqaro jinoiy sud Rossiya prezidentini hibsga olishga order berganiga qaramay, Putin bilan gaplashishga tayyor. Bu haqda BMT bosh kotibi idorasi vakili Stefan Yujarrik maʼlum qildi.
“Biz Bosh kotib oldidagi muammolarni hal qilish uchun kim bilan gaplashishi kerak degan pozitsiyada turibmiz”, — dedi Yujarrik.
BMT spikerining so‘zlariga ko‘ra, bunday masalalar kontekstida XJS BMT Kotibiyati bilan huquqiy jihatdan bog‘liq emas.
Shu bilan birga, Yujarrik uning harakat erkinligidagi cheklovlar Rossiya prezidenti bilan ehtimoliy muzokaralarga xalaqit beradimi, degan savolga javob berishdan bosh tortdi. Xalqaro jinoiy sudda amaliyotga qabul qilingan advokat Sergey Golubokning tushuntirishicha, agar Putin Rim statutini ratifikatsiya qilgan, shuningdek, XJS yurisdiksiyasini tan olgan davlatlardan biriga tashrif buyursa, mahalliy hokimiyat organlari hibsga olishlari kerak. Gap 123 ta davlat, jumladan, Yevropaning barcha mamlakatlari, Janubiy Amerika, shuningdek, Tojikiston, Janubiy Afrika, Afg‘oniston, Markaziy Afrika Respublikasi va Nigeriya haqida bormoqda.
