Afg‘onistonda nasha yetishtirish taqiqlandi
“Tolibon” rahbari bu bo‘yicha farmon imzoladi.
Afg‘oniston bo‘ylab nasha (marixuana) yetishtirish taqiqlandi. Bu bo‘yicha “Tolibon” oliy rahbari Hibatulloh Oxundzoda farmon imzoladi.
Farmonga ko‘ra, qonunbuzarlar sud tomonidan shariat qonunlariga ko‘ra jazolanadi.
Mazkur hujjat tasdiqlangan kundan boshlab kuchga kiradi va rasmiy gazetada eʼlon qilinadi.
Maʼlumot uchun: Afg‘oniston dunyodagi eng yirik afyun va nasha ishlab chiqaruvchilardan biri hisoblanadi. Mamlakatda nasha ishlab chiqarish hajmi to‘g‘risida aniq maʼlumotlar yo‘q. 2022 yil dekabr oyida Afg‘onistonda mamlakat bo‘ylab ko‘knori yetishtirish taqiqlangandi.
