Rossiyaga isiriq olib borgan o‘zbekistonliklar jinoiy javobgarlikka tortildi
Bu bo‘yicha mamlakatda salkam 15 ta holat aniqlangan.
3 nafar samarqandlik fuqaro Rossiya hududiga isiriq olib borganligi sababli Domodedovo xalqaro aeroportida jinoiy javobgarlikka tortildi. Bu haqda “Renessans” telekanalining “Ovoza” informatsion dasturida xabar berildi.
Taʼkidlanishicha, mazkur mahsulot Rossiya Federatsiyasi Jinoyat kodeksining 239-moddasiga asosan kuchli taʼsir etuvchi vositalar ro‘yxatiga kiritilgan. Uni Rossiya Federatsiyasi va Belarus Respublikalari hududiga olib kirish qatʼiyat taqiqlanadi.
RF bergan maʼlumotlarga ko‘ra, hozirda mamlakatga isiriq olib kirish bilan bog‘liq 14 ta holat aniqlangan.
