Shimoliy Koreyada armiyaga yozilgan ko‘ngillilar soni 1 milliondan oshib ketdi
KXDRda majburiy harbiy xizmat tizimi joriy etilgan. Unga ko‘ra, ayollar 3 yil, erkaklar 10 yil qurolli kuchlarda xizmat qilishi shart.
KXDRda 19 mart holatiga ko‘ra, 1.4 million kishi armiyada xizmat qilish istagini bildirdi. Bu haqda Koreya markaziy telegraf agentligi xabar berdi.
Mamlakatda jami 26 million kishi istiqomat qiladi, harbiylar soni 1.2 millionni tashkil qilmoqda. Agentlikka ko‘ra, ko‘ngillilar soni butun respublika bo‘ylab har kuni oshib bormoqda va ular “AQSH va Janubiy Koreya ustidan asr g‘alabasiga erishmoqchi”.
Shimoliy Koreyada muddatli harbiy xizmat majburiy hisoblanadi. Armiyaga 17 yoshga to‘lgan erkak va ayollar chaqiriladi. Xotin-qizlar uchun uning muddati 3 yil, erkaklar uchun 10 yil hisoblanadi.
