AQSH COVID-19 kelib chiqishi haqidagi maʼlumotlarni oshkor qiladi
Bayden bu bo‘yicha qonunni imzoladi.
AQSH Prezidenti Jo Bayden COVID-19 kelib chiqishi haqidagi maʼlumotlarni oshkor qilish uchun razvedka maʼlumotlarini talab qiluvchi qonunni imzoladi. Bu haqda Oq uy xabarida aytiladi.
“Kelajakda pandemiyalarning oldini olish uchun biz COVID-19 kelib chiqishining tagiga yetishimiz kerak. Mening maʼmuriyatim infeksiya bilan bog‘liq barcha maxfiy maʼlumotlarni, shu jumladan, Uxan virusologiya institutiga potensial havolani ko‘rib chiqishni davom ettiradi”, — dedi Bayden bayonotida.
Fevral oyida AQSH Energetika departamenti tomonidan koronavirus laboratoriyadan kelib chiqishi mumkinligi haqidagi hisobot sizdirilgandi. Shundan so‘ng razvedka maʼlumotlarini maxfiylashtirish bo‘yicha munozaralar yana avj oldi.
