Kimyoviy idish yuvish vositalari sog‘liqqa zararlimi?
Agar ular noto‘g‘ri ishlatilsa, o‘ta xavfli gazlarni hosil qiladi.
Oddiygina kundalik turmushda foydalanilayotgan yuvuvchi vositalar uy bekalarining ishini yengil qilib, beminnat yordamchisiga aylandi.
Yuvish vositalari, ayniqsa kislotalar bilan oqartiruvchi vositalarni aralashtirish mumkin emas, bunday aralashmalar zaharli, o‘ta xavfli gazlarni hosil qiladi.
Xo‘sh, inson nima qilsa ularning foydasi ko‘p, zarari kam bo‘ladi? Qanday qilib ehtiyot bo‘lish mumkin?
Sanitariya—epidemiologiya qo‘mitasi maʼlumotlariga ko‘ra, quyidagi ehtiyot choralalariga amal qilish lozim:
—belgilangan yo‘nalish va meʼyorida foydalanish;
—yuvish vositalaridan foydalanayotganda rezina qo‘lqop kiyish;
—yuvish vositalari, ayniqsa kislotalar bilan oqartiruvchi vositalarni aralashtirmaslik;
—kimyoviy vositalarni qo‘llashdan oldin ularning o‘ram qog‘ozlaridagi xavfsizlik talablarini diqqat bilan o‘qib chiqish.
Shuningdek, har qanday zaharlanish yoki zaharli moddaning taʼsiriga shubha qilingan taqdirda tibbiy yordamga murojaat qilish kerak.
