Rossiya 40-50-yillarida ishlab chiqarilgan tanklardan foydalanmoqchi
Bu Ukraina mojarosi oqibatida RFda zirhli texnika bilan bog‘liq muammo borligini ko‘rsatadi.
Rossiya Sobiq Ittifoqning T-54/55 tanklarini saqlovdan chiqarmoqda. Bu haqda Conflict Intelligence Team (CIT) loyihasi xabar berdi.
Ushbu tanklar o‘tgan asrning 40-50 yillarida ishlab chiqarilgan. Loyiha ixtiyoriga Uzoq Sharqdan texnika ortib kelayotgan eshelon tasvirlari kelib tushgan. CIT maʼlumotlariga ko‘ra, T-54/55 yaqinda Primorye o‘lkasidagi Arsenyev shahridan yo‘lga tushgan. Bu yerda 1295-sonli tanklarni saqlash va rezerv markaziy bazasi joylashgan.
“Biz ushbu tanklar qaysi sohada ishlatilishini bilmaymiz. Ammo har qaday vaziyatda ham BTR-50 va MT-LB kema zenit qurilmalari Rossiyada zirhli texnika bilan bog‘liq muammolar borligini ko‘rsatadi”, – deyiladi tashkilot xabarida.
Ekspertlarning qayd etishicha, T-54‘ning ilk modellari Sovet armiyasiga 1940-yillarning ikkinchi yarmida, T-55 esa 1958 yilda qabul qilingan.
