Betxovenning o‘limi sababi aniqlandi
Olimlar uning DNKsini tekshirishdi.
Olimlar nemis bastakori Lyudvig Van Betxovenning DNKsini ochishga muvaffaq bo‘lishdi, biroq uning bevaqt o‘limining aniq sababini bilisha olmadi.
Kembrij universitetining bir guruh tadqiqotchilari shaxsiy kolleksiyalarda saqlanayotgan Betxovenning soch tolalarini tahlil qildi.
Betxoven 1770-yilda Bonnda tug‘ilgan va 30 yoshida eshitish qobiliyatini yo‘qotgan. Shu bilan birga, u musiqa yozishni davom ettirdi, lekin keyin pianino chala olmadi. Bastakor 1827-yilda 56 yoshida Vena shahrida vafot etgan.
Olimlar bastakorning o‘limi sabablari haqida bahslasha boshladilar, ammo ikki asr davomida aniq bir xulosaga kelishning iloji bo‘lmadi.
Kembrijlik olimlar to‘liq aniqlik kirita olmagan bo‘lsalar ham, Betxovenning jigar kasalliklariga genetik moyilligi borligini aniqladi (bu alkogolga qaramlik bilan kuchaygan) va umrining oxirida u gepatit B bilan kasallangan.
Ular kompozitor hayotining so‘nggi 10 yilidagi yozuvlarini o‘rganib chiqib, Betxoven muntazam ravishda spirtli ichimliklar isteʼmol qilgan degan xulosaga kelishdi, biroq isteʼmol hajmini taxmin qilish qiyin.
