Samarqandda oltin qazib olishga sharoit yaratib beruvchi shaxs ushlandi
U buning evaziga fuqarodan pora olayotganda qo‘lga tushgan.
Samarqand viloyatining Paxtachi tumanida oltin qazib olish uchun sharoit yaratib berishni vaʼda qilgan firibgar ushlandi. Bu haqda Bosh prokuratura huzuridagi Iqtisodiy jinoyatlarga qarshi kurashish departamenti xabar berdi.
Qayd etilishicha, departamentning Paxtachi tuman bo‘limi tomonidan DXX xodimlari bilan hamkorlikda tezkor tadbir o‘tkazilgan. Unda fuqaro S.H. boshqa bir fuqaro F.D.Ning ishonchiga kirib, unga tanishlari yordamida “Qoraqo‘ton” tog‘ida oltin qazib olishi uchun sharoit yaratib berishi evaziga 1 300 AQSH dollarini olgan vaqtida ashyoviy dalillar bilan qo‘lga tushgan.
Mazkur holatlar yuzasidan Jinoyat Kodeksining 168-moddasi (firibgarlik) va 28, 211-moddasi (pora berish) bilan jinoyat ishlari qo‘zg‘atilib, tergov harakatlari olib borilmoqda.
