Shavkat Mirziyoyev Xitoy delegatsiyasini qabul qildi
Bu haqda Prezident matbuot kotibi Sherzod Asadov maʼlum qildi.
Xitoyning eng yirik va yetakchi hududlaridan biri - Sinszyan-Uyg‘ur avtonom tumani bilan amaliy hamkorlikni rivojlantirish masalalari O‘zbekiston Prezidenti Shavkat Mirziyoyevning Xitoy Kompartiyasi Markaziy qo‘mitasi Siyosiy byurosi aʼzosi, SUAT Kompartiyasi Partiya qo‘mitasi kotibi Ma Sinjuy boshchiligidagi XXR delegatsiyasi bilan ayni daqiqalarda o‘tayotgan uchrashuvida muhokama qilinmoqda.
Qayta tiklanuvchi energetika, transport infratuzilmasini rivojlantirish va logistika, sanoat parklari va qishloq xo‘jaligi klasterlarini tashkil etish borasida, shuningdek, taʼlim, sog‘liqni saqlash va madaniyat sohalaridagi hamkorlik istiqbollari kabi masalalar kun tartibidan o‘rin olgan.
