Toshkent metrosini “suv bosdi”
Holatga rasmiylar izoh berdi.
Ijtimoiy tarmoqda poytaxt metrosining “Amir Temur xiyoboni” bekatida suv oqish holati kuzatilgani aks etgan video tarqalmoqda. Holat yuzasidan “Toshkent metropoliteni” DUK rasmiy munosabat bildirdi.
Qayd etilishicha, Toshkent shahrida kuzatilgan kuchli yog‘ingarchilik sabab ko‘chalardagi maxsus irrigatsiya, yaʼni suv ketish yo‘llari (ariqlar) to‘lib qolgan. Buning natijasida yomg‘ir suvlari bekatga tusha boshlagan.
“Bu holat masʼullar tomonidan bartaraf etilgan va poyezdlar harakatiga hech qanday to‘sqinlik hosil qilmagan”, — deyiladi xabarda.
