Tramp sudda ishtirok etish uchun Nyu-Yorkka yetib keldi
U tez orada sudda chiqish qiladi.
AQShning sobiq prezidenti Donald Tramp Nyu-Yorkka yetib keldi va u yerda seshanba kuni ilk bor sudga chiqadi, deb xabar bermoqda CNN.
Siyosatchi megapolisga Florida shtatidan, uning mulki Mar-a-Lago joylashgan yerdan kelgan.
Bugun, 4-aprel, seshanba kuni sobiq prezident Manxettendagi sud majlisida ishtirok etadi.
30-mart kuni Nyu-Yorkdagi katta hakamlar hay’ati Trampni sobiq aktrisa Stormi Danielsga pul to‘lashda Trump Organization moliyaviy hujjatlarini qalbakilashtirish ishi bo‘yicha ayblash uchun ovoz berdi.
Prokurorlarning fikricha, u 2016-yil oktabr oyida, prezidentlik kampaniyasi davom etayotgan vaqtda, aktrisaga munosabatlarini oshkor qilmaslik to‘g‘risidagi kelishuv uchun kamida 130 ming dollar bergan. Mablag' esa aslida Tramp kampaniyasini moliyalashtirishga qaratilgan edi. Bu Nyu-York shtati qonuniga ko'ra, to'rt yilgacha qamoq jazosini o'z ichiga olgan jinoyatdir.
Tramp oʻzining aybsizligini va prezident Jo Bayden maʼmuriyati tomonidan siyosiy taʼqibga uchraganini aytmoqda.
Donald Tramp AQSh tarixida jinoiy javobgarlikka tortilgan birinchi sobiq prezident bo‘ladi. AQSh Konstitutsiyasiga ko'ra, bu uning saylovlarda ishtirok etishiga to'sqinlik qilmaydi.
