Abramovichning salkam 3 mlrd dollar puli Ukrainaga yetib bormadi
U “Chelsi” klubi sotuvidan tushgan mablag‘ni xayriya qilishini maʼlum qilgandi.
Rossiyalik tadbirkor Roman Abramovichning “Chelsi” futbol klubi sotilganidan tushgan salkam 3 milliard dollarni hali Ukrainaga gumanitar yordam uchun o‘tkazilmagan. Mablag‘ni yangi xayriya jamg‘armasiga o‘tkazishi kechiktirildi.
2,3 milliard funt sterling Ukrainadagi urush qurbonlariga yordam berish fondiga yo‘naltirilishi rejalashtirilgandi. Biroq Buyuk Britaniya rasmiylari fondga mablag‘ o‘tkazilishini hali maʼqullamagan. Bu mamlakatdagi mablag‘larni o‘tkazish siyosiy moslashuvi bilan bog‘liq bir qator murakkabliklar bilan izohlandi. Xabar berilishicha, mablag‘larni o‘tkazish faqat moliyaviy sanksiyalarni amalga oshirish uchun masʼul Britaniya moliya vazirligi arizasi maʼqullanganidan keyin amalga oshiriladi.
Abramovich o‘tgan yilning mart oyida — urush boshlanganidan ko‘p o‘tmay va Londonning “Chelsi”si sotilmasidan oldin klub sotuvidan tushgan pulni har ikki tomondan urush qurbonlariga insonparvarlik yordamiga yo‘naltirishini eʼlon qilgandi. Biroq Abramovich sanksiyalar ostida bo‘lganligi sababli u bu pulga tega olmadi.
