Farg‘onada qo‘shnilar o‘rtasida janjal chiqdi
Oqibatda bir kishi jarohatlanib vafot etgan.
Farg‘ona viloyatining Qo‘shtepa tumanida 2-aprel kuni fuqaro qo‘shnisini pichoqlab qo‘ydi. Holat yuzasidan Bosh prokuratura matbuot kotibi Hayot Shamsutdinov maʼlumot berdi.
Qayd etilishicha, Qo‘shtepa tumanining Gulobod tumanida yashovchi F.Q. Nexia-2 avtomashinasida harakatlanib ketayotganda qo‘shnisi F. X.ning xotiniga signal chalib, chetroqda yurishni aytadi.
Janjal shu tariqa boshlanib, unga boshqalar ham qo‘shiladi. Og‘izdan bemaza gaplar chiqadi. Oqibati shu bo‘ladiki, F.Q. oshxona pichog‘i bilan haligina o‘zi signal chalgan ayolning turmush o‘rtog‘i va qaynakasiga tashlanib, ularga turli darajada jarohat yetkazadi. Yetkazilgan jarohatlar natijasida aka-ukalarning kichigi (33 yosh) voqea joyida vafot etadi, kattasi (39 yosh) kasalxona tushadi.
Holat yuzasidan yuzasidan o‘sha kuniyoq tuman prokuraturasi tomonidan qasddan odam o‘ldirish alomatlari bilan jinoyat ishi qo‘zg‘atilib, F. Q. (36 yosh) tegishli tartibda ushlangan. Hozirda tergov harakatlari olib borilmoqda.
