Maktab avtobusi o‘g‘irlandi
Uning ichida yana bir “syurpriz” bor edi.
AQSHning Pensilvaniya shtatida yashovchi Toni Sonders maktab avtobusini olib qochdi. Politsiya uning iziga tushib, quvayotganda u avtobusdan tushib, o‘rmon orqali qochib ketishga uringan.
Shunga qaramay, politsiya uni qo‘lga olgan va yana bir jinoyatga guvoh bo‘lgan.
Gap shundaki, 25 yoshli avtobus o‘g‘risi o‘rindiqqa o‘lgan kiyikni ham o‘tqazib qo‘ygan. O‘zining so‘ziga ko‘ra, u kiyik murdasini uyiga olib borib, undan o‘g‘it sifatida foydalanmoqchi bo‘lgan.
Ammo politsiyaning kiyik qayerdan va qanday qilib avtobus o‘rindig‘iga o‘tirgani haqidagi savoli javobsiz qolmoqda.
Endi gumonlanuvchi mashina o‘g‘irlash, politsiyadan qochish va unga qarshilik ko‘rsatish hamda ehtiyotsiz mashina boshqarish uchun sudlanishi mumkin.
