Qirol uchun kimlar kuylaydi?
Buyuk Britaniyadagi toj kiyish marosimida kimlar sahnada bo‘lishi ochiqlandi
Buyuk Britaniya qirolining toj kiyish marosimi yaqinlashgani sari tayyorgarlik avjiga chiyapti.
Vindzor saroyida bo‘lib o‘tadigan tarixiy marosimda qaysi san’atkorlar qatnashishi ochiqlandi.
Rasmiy marosimning ertasiga, 7 may kuni Britaniya harbiy-havo kuchlari tomonidan 20 ming kishi uchun yana bir tadbir tashkil etiladi. Unda Take That, Keti Perri va Layonel Richi kabi mashhurlar chiqishi kutilmoqda.
Shuningdek, konsertda Italiya operasi yulduzi Andrea Bochelli, Uels bas-baritoni Brin Terfel, kompozitor-qo‘shiqchilar Aleksis French va Freya Raydliz kuylaydi.
Keti Perri konsert oldidan hayajonda ekanini bildirgan.
Yaqin kunlarda tadbirning yangi yulduzlari ham e’lon qilinadi. Mish-mishlarga ko‘ra, unda Adel va Spice Girls ham qatnashishi kutilmoqda.
Ed Shiran, Elton Jon va Garri Staylz taklifni rad etgan. Ammo o‘tgan oy qirol uchun kuylash istagini bildirgan Snoop Dogg taklif qilinmagan ko‘rinadi.
