Toshkentda maktab imtihoni uchun o‘quvchilarga norin olib kelish buyurilgani aytilmoqda
Holatga rasmiylar izoh berdi.
Ijtimoiy tarmoqda Toshkent shahrining Mirzo Ulug‘bek tumanidagi 308-sonli umumtaʼlim maktabida imtihon jarayonlariga non, norin va shunga o‘xshash yeguliklar sinf rahbarlari tomonidan o‘quvchilarga qog‘ozga yozib berilgani bo‘yicha xabar tarqaldi. Holat yuzasidan shahar maktabgacha va maktab taʼlimi boshqarmasi rasmiy munosabat bildirdi.
Qayd etilishicha, holat yuzasidan ishchi guruh o‘rganish olib borgan va yakunda yuqoridagi xabar o‘z isbotini topmagan.
“Maktab pedagoglari va ota-onalar bilan suhbat o‘tkazildi. Unda ijtimoiy tarmoqda tarqatilgan asossiz va yolg‘on xabar pedagoglar shaʼniga hurmatsizlikdan boshqa narsa emasligi taʼkidlab o‘tildi”, — deyiladi xabarda.
